انضم لفريق العمل
بنبني خدمة الكمبوند من جوّه الكمبوند. لو بتحب الشغل المنظّم والتعامل المحترم مع الناس، مكانك معانا.
إزاي بتكسب ككابتن FAVO
- أجرة على كل توصيلة بتنزل في محفظتك أول بأول.
- يومية إضافية لما تكمّل عدد التوصيلات المطلوب في اليوم.
- الإكراميات من العملاء بتوصلك كاملة.
- كل المشاوير جوّه الكمبوند، وانت اللي بتختار امتى تبقى متاح.
هتعمل إيه في خدمة العملاء
- ترد على أسئلة السكان وشكاويهم وتتابعها لحد ما تتحل.
- تتابع الطلبات المتأخرة مع المندوبين والشركاء.
- تشتغل من لوحة FAVO بصلاحيات واضحة.
هتعمل إيه في العمليات
- تتابع الطلبات الشغّالة وتوزيعها على المندوبين.
- تنزّل منيوهات الشركاء وتحدّث المتوفر.
- تستلم عهدة المندوبين وتراجع التحويلات.
هتعمل إيه في الحسابات
- تسويات الشركاء بالإيصالات وأرقام العمليات.
- مراجعة شحن الرصيد والتحويلات اليومية.
- التقارير المالية والمصروفات.
هتحتاج تجهّز
صورة البطاقة (وش وضهر) · فيش جنائي حديث · صورة شخصية · رخصة القيادة لو هتشتغل بموتوسيكل.